MARTES BIOTECNOLÓXICO

Reseña extraída do blog do Club de Ciencia da profesora Sesé Figueira

Un grupo de alumnado de 4ºESO, 1º e 2º de Bacharelato de Bioloxía participou nunha actividade de Biotecnoloxía o pasado martes 15 de novembro. AlcyonBio tróuxonos as técnicas de amplificación, illamento, hibridación e clonación de ADN ao noso laboratorio de Bio.

 

A actividade desenvolveuse durante toda a xornada e constou de varias fases:

1ª etapa: extracción do ADN de diversas mostras proporcionadas polo alumnado (mazá, mandarina, platano, herbaluisa, codia de árbore, ...).

 

2ª etapa: amplificación do ADN por PCR.

3ª etapa: electroforese en xel de agarosa para comprobar a presencia de ADN da mostra.

 

4ª etapa: insercción do ADN da mostra no plásmido con resistencia ao antibiótico ampicilina.

5ª etapa: clonación en bacterias (E.coli). Fase clave de inserción do plásmido na bacteria.

Deixamos toda a noite incubando para que medren as bacterias.

6ª etapa: o mércores voltamos ao laboratorio de Bio para ver os nosos resultados e sacar conclusións.

Cultivo de bacterias con plásmido pero sen o inxerto de ADN:colonias azuis

Cultivo de bacterias con plásmido e inserto de ADN extraído: colonias brancas, este era o resultado esperado.A todos o alumnad se lle clonou o inxerto de ADN en máis ou menos proporción.

UN ÉXITO!!! SATISFEITOS O ALUMNADO, ORGANIZADORES E A PROFE DESPOIS DUNHAS XORNADAS INTENSAS, LABORIOSAS E CON MOITO ENTRENAMENTO NEURONAL.
ATA A PRÓXIMA!!!