A peste, de Albert Camus: descrición dun confinamento e as súas consecuencias

As alumnas de Literatura Universal de 1º de Bacharelato traballaron o curso 2020-2021 sobre a obra A peste, de Albert Camus. Esta célebre novela, definitoria da literatura existencialista do século XX, cobra desde a óptica actual unha grande relevancia. A descrición dunha epidemia e o confinamento da poboación na cidade arxelina de Orán, nos anos corenta do século pasado, adquire un significado especialmente próximo nestes tempos de pandemia que estamos vivindo. Neste vídeo, as súas autoras poñen de relevancia as similitudes entre a situación ficticia, maxistralmente creada, por Camus e a situación recentemente vivida en todo o mundo: a soidade, a dor, os coidados ás pesoas afectadas, o medo... Podedes ver o vídeo que realizaron sobre a novela:

Esta obra, que no seu tempo se leu tamén como unha alegoría da ameaza do nazismo para a liberdade das persoas, recibe agora unha lectura máis literal, pero igualmente sorprendente e estremecedora. Podemos recoñecernos nos protagonistas da novela, nas situacións e estados de ánimo (e desánimo) polas que atravesan. Unha lección de vida sorprendentemente actual.