O ACOSO ESCOLAR A EXAME

O pasado xoves, 16 de decembro, tivemos outra vez como convidado telemático na aula a Pedro Lara. O poeta madrileño, tremendamente interesado pola cuestión das formas de violencia escolar que el sufriu nas súa propias carnes, debuxounos a cartografía deste fenómeno psicosocial, hoxe máis visibilizado pero que paradoxicamente pode ser máis potente debido á estensión dos medios electrónicos de comunicación e das redes sociais. Por iso falou das súas causas, dos seus síntomas, da psicoloxía dos actores nesta cruel escena microsocial e das formas de terapia. A solución que propuxo foi primeiramente a exteriorización do padecemento, que debe complementarse coa intervención socio-comunitaria (grupo de alumnado de referencia, profesorado, familia...). 

A seguinte metáfora do acoso ilustra ben o impacto psíquico que ten na persoa que o padece e por iso propoñemos que a probes ti tamén. Colle un papel, enrúgado e logo estírao. Tenta alisalo. Que observas? Que é o queda?

Hoxe a escola debe ser un espazo onde as persoas poidan interactuar nunhas condicións de seguridade e respecto necesarias para o desenvolvemento das súas aptitudes. As diversas formas de discriminación e violencia que aínda existen e se invisibilizan e toleran a través do silencio e a inacción poden ser causas de feridas que nunca cheguen a cicatrizar e que, tal e como Pedro dixo, poden incluso ser os detonadores de trastornos psicoemocionais que poden desencadear enfermidades mentais.

É fundamental o empoderamento da vítima e unha acción educativa e microsocial de protección e seguridade mútua.