TEMPESTADES NO TEATRO PRINCIPAL

Os/as de 3º e 4º da ESO asistimos á representación teatral Tempestades no teatro Principal, protagonizada polo actor, director de teatro, mago, cantautor arxentino… Ricardo Frazer. O éxito da mesma estriba na variedade e selección de fragmentos representativos do xénero teatral (Calderón, Shakespeare, Ibsen, Eugene O’Neill, Camus…) e dalgunhas composicións líricas (de León Felipe e Neruda) que abordan temas universais que interpreta Frazer conmovendo ao espectador, poñendo os sentimentos a flor de pel e provocando reflexións sobre a vida, a morte, a guerra… Ao final do espectáculo, Frazer confesounos que estreara esta obra en 1985 neste mesmo teatro de Santiago, orixe do seu periplo polo noso país.