CONFERENCIA / QUE TEN QUE VER CON NÓS A QUÍMICA

 

O día 27 de febreiro o Profesor e Catedrático da facultade de Química da Universidade de Santiago de Compostela, Ricardo Riguera Vega, impartiu no noso centro a charla “Que ten que ver con nós a Química”. Nesta charla explicábase de forma moi interesante a importancia do estudo a química para mellorar as nosas vidas, desde a fabricación dun sinxelo bolígrafo ata o deseño de medicamentos para curar enfermidades. Á charla asistiron os alumnos de 3º e 4º da ESO.

O profesor Riguera é autor de tres libros para alumnos e foi Director de Departamento de Química Orgánica, Decano da Facultade de Química e Vicerreitor da Universidade. Nos últimos anos, a súa investigación centrouse no estudo da formación de nanoestructuras poliméricas e as súas aplicacións en Biomedicina así como en polímeros dinámicos que responden a estímulos externos e a súa aplicación como sensores.