CANGURO MATEMÁTICO

21 alumnos/as do noso centro participan na edición anual do Canguro Matemático, organizada pola Federación Española de Sociedades de Profesores de Matemáticas (FESPM) dentro de la convocatoria que a nivel internacional realiza la Asociación Kangourou Sans Frontières (AKSF)

Facer que as matemáticas sexan atractivas para os estudantes é un desafío. En todo o mundo, os profesionais que ensinan matemáticas e que se dan conta da súa importancia para outros campos do coñecemento e para a vida cotiá, teñen como obxectivo aumentar o entusiasmo por aprender matemáticas. Idea á que se suma a FESPM a partir deste intre co obxectivo de organizar a próxima proba Canguro que terá lugar en marzo de 2023, dirixida ao alumnado de ESO e Bacharelato con probas específicas para cada un dos cursos destes niveis educativos.

A proba foi deseñada en función de cada nivel e consta de 30 preguntas de resposta múltiple para a que se dispoñerá de 75 minutos para a súa resolución. 

As preguntas están en orde crecente á súa dificultade, as dez primeiras terán unha puntuación de 3 puntos, as dez seguintes puntuarán con 4 puntos e a dez últimas terán unha nota de 5 puntos cada unha delas. 

Cada pregunta mal resolta terá unha penalización de 1/4 puntos de valor que teña asignado , mentres que as preguntas non contestadas non penalizarán. 

O alumnado parte cunha cualificación inicial de 30 puntos. 

En caso de empate entre o alumnado participante aplicaranse os seguintes criterios de desempate: 

• Quen contestase correctamente a pregunta de maior dificultade (30, 29, 28, …) 
• Participante de menor idade.

Os premios comunicaranse na web  www.canguromat.es.