CONCURSO DE ENSAIOS 25N. NOA MIGUÉNS E NICO CONSTENLA FORON PREMIADXS

Noa e Nico, gañadores da Final do Concurso de Ensaios

Con motivo da conmemoración do Día contra a violencia de xénero, o departamento de filosofía vén de coordinar, dentro do proxecto educativo anual Concurso de Ensaios, a fase final do mes de novembro, cuxo tema foi a violencia machista. 

Cada mes o alumnado de filosofía de primeiro de bacharelato elabora unha composición escrita orixinal e crítica sobre un tema coa axuda dalgunhas pistas argumentativas que o alumnado pode utilizar como guía. Logo da lectura pública na aula o grupo de clase selecciona as dúas mellores producións utilizando unha sinxela rúbrica que atende tanto aos aspectos lóxicos de razoamento como á expresión lingüística e corporal. Durante este mes en concreto foron seleccionados oito ensaios para que foran lidos diante dun xurado formado por alumnxs e profesorxs no Salón de Actos.

Como resultado deste concurso foron seleccionados Noa Miguéns Otero e Nico Constenla Barral, como primeiro e segundo premio, respectivamente.

O alumnado finalista foi, ademais dos gañadores:

Andrea Buela, María Serantes, Lucía Costa, Claudia García, Lois Ares e Íker Forján. Os dous últimos renunciaron a presentarse á fase final.