TRES SESIÓNS CON PILAR LESTIDO, ORIENTADORA PSICOPEDAGÓXICA

 

A xefa do departamento de Orientación, Pilar Lestido, acompañóunos durante dúas sesións para informarnos das funcións do seu departamento e foi un complemento tremendamente interesante e práctico do tema que estamos a tratar: a diversidade funcional e a integración escolar.

Partindo da diversidade como feito biolóxico e cultural é fundamental explicar a categoría de Necesidades específicas de apoio educativo e a función que o departamento ten na tarefa de compensar estas necesidades puntuais ou permanentes a través de plan que deben involucrar necesariamente a profesorado e familias.

Rematamos esta experiencia educativa cun mostrario de test de medición de capacidades e coa realización práctica dun deles, o WISC-R, versión revisada da escala WISC, ideada por David Wechsler para medir a intelixencia de persoas de entre 6 e 16 anos. O WISC mide a comprensión verbal, a organización perceptiva e a independencia á distracción a través de dúas escalas: escala verbal e escala manipulativa.