Este curso, no marco do Proxecto Club de Letras, traballamos nas aulas de Lingua e Literatura Galega, desde distintas perspectivas, a figura da insigne poeta Luz Pozo Garza. Hoxe 20 de abril de 2020, día do pasamento da autora aos 97 anos de idade, mostrámosvos algúns deses traballos.
Nesta entrada podedes ver o vídeo dun recitado compartido: recitan, en xuño de 2019, nenos e nenas das aulas de 5 anos do CEIP López Ferreiro de Santiago de Compostela. A súa voz únese á de mozos e mozas de 2º de Bacharelato do IES Camilo José Cela de Padrón, que se suman ao recitado en outubro de 2019. Trátase do poema "Palisandro", extraído do derradeiro libro publicado pola autora, Pazo de Tor (2018)
Comentarios
Publicar un comentario