PODE A FILOSOFÍA TRANSFORMAR A REALIDADE? II

Onte acodimos á cita que tiñamos coa propietaria da Xoguetaría Tatino, aquí en Padrón para entregarlle as cartas persoais que recollen as conclusións dos traballos de análise crítica dos catálogos do seu establecemento dende a perspectiva de xénero.

A experiencia foi moi agradable e instrutiva para o grupo de filosofía de 4º ESO. A boa disposición da xerente do establecemento, unha muller que leva toda a súa vida ao frente deste negocio familiar, fixo máis amable e cercano este encontro a través do cal a análise crítica realizada como parte dunha tarefa académica atopa a súa aplicación ao eido práctico como guía reguladora da conduta consumista. Quedámonos coa mensaxe que repetiu a nosa anfitriona mentres paseabamos polas diferentes zonas de compra comentando as súas peculiaridades: vós sodes as novas xeracións e, por tanto, nas vosas mans está que o sexismo perviva ou desapareza.